TURISMO BULEGOAK

PLAZA BIRIBILA, 1

09:00-20:00

MAZARREDO ZUMARKALEA, 66
(GUGGENHEIM BILBAO MUSEOA)

10:00-19:00

Telefonoa: 944 795 760
www.bilbaoturismo.net

Zerbitzu berezia

02:00ak arte ostegunean, ostiralean eta larunbatean (apirilak 18-19-20).

EZ EZAZU GALDU EKITALDIEN EGITARAUA

Deskargatu edo bisitatu ezazu basque FEST jardueren egitaraua.

basque FEST

euskal unibertsoa zure esku

Euskal kulturaren festa handia Bilbora itzuliko da Aste Santuan. Aurten Zinema saila gehituko zaio ohiko gai-sortei: Gourmet, Kultura, Market, Musika eta Sport. Gure gastronomiarik bikainena dastatu, kontzertu errepikaezinetara joan, euskararen mundura hurbildu, dantza-erakustaldietan eta euskal tresnen tailerretan parte hartu, herri-kirolak ezagutu, kaleko animazioarekin gozatu edo itsasadarrean modu original batean ibili… Euskal kulturaren onena zure esku, 300 jarduera baino gehiagorekin, gehienak doan, gustu eta adin guztientzat. Hiriak ongietorria eskaintzen dizu! Aupa basque FEST!

www.basquefest.com

basque FEST jaialdiaren musika-eskaintzak tradizioa, modernotasuna eta estilo mota ugari biltzen ditu. Egitarauaren barruan jaialdi honetarako euskal musikaren artista handiek diseinatutako emanaldi bereziak topatuko ditugu, hala nola Niko Etxart, Oreka TX edo Kalakan, eta horiekin batera, arrakasta eta etorkizun itzela duten beste zenbait artista, Izaro esaterako. Kartel horretan nahasian ikusten ditugu txistuaren, txirularen, albokaren edo txalapartaren soinu tradizionalak eta Basque Fest Rock City elektrikoarekin, jazz limurtzailearekin edo DJen nahasketekin.

EZAGUTU GEHIAGO

basque FEST Euskadiko historia eta tradizioei zabalik dagoen leiho bat da: bertako hizkuntza, bertako dantzak, lanbideak, artistak, ohiturak… Aukera paregabea da sorburuko udalerrietatik nekez irteten diren ikuskizunak ikusi ahal izateko, euskal folklorearen jantzi tradizionalak ezagutzeko edo bertako doinuen edertasunaz gozatzeko. Gure hiriko historia modu atsegin batean ezagutu nahi baduzu, ez itzazu galdu “Bilboko Anfitrioiak” bisita antzeztuak.

EZAGUTU GEHIAGO

Zazpigarren artea euskal kutsuaz. “made in Euskadi” zinemak betidanik izan du zerizan bereizgarri bat. basque FEST jaialdiaren sail berri honi, hots, ZINEMAri harrera egingo dion agertokia BBK Aretoa izango da. Koldo Serra bilbotarraren “Gernika” filmak zabalduko du jaialdiaren gai-sorta berri hau.

EZAGUTU GEHIAGO

Herri Kirolak edo kirol tradizionalak euskal nortasunaren irudirik bereizgarrienetako bat dira. basque FEST jaialdiari esker, sekulako harri tzarrak altxatzeko gai diren harri-jasotzaileak, enborrak aizkora-kolpez eta maisutasun handiz ebakitzen dituzten aizkolariak edo mundu osoan pilota izenez ezagutzen den kirol-diziplina zuzenean ikusteko aukera izango duzu. Bilboko Areatza hainbat tailerren eta indarra, abilezia eta tradizioa uztartzen dituzten kirol-modalitate ikusgarri hauen topaleku bihurtuko da.

EZAGUTU GEHIAGO

basque FEST jaialdiak bisitari guztien esku jarriko ditu Areatzako Gourmet Txokoan ikusgai jarritako gune turistikoetako produktuak. Euskal gastronomiaren berezitasunik onenak eskuratzeko aukera zoragarria izango da. Shopping eskaintza hau osatzeko, gainera, azoka tradizionaletako jaki bikainak eta “Gure Lurreko Merkatuaren” Km0 proposamenak gehituko dira. Eskutartie Udaberriko Artisautza Azokaren topaleku ere izango da Areatza, eta bertan, arte eta teknika tradizionalen arabera landutako piezak eskainiko dira, igandetako lore-azokaz gain.

EZAGUTU GEHIAGO

Bilboko Areatzan kokatuta dagoen Gourmet Txokoak Euskadiko eskualde turistikoenetan barrena bidaia enogastronomiko ahaztezin batean murgiltzeko aukera eskainiko digu.

Zure gozamenerako hiru proposamen topatuko dituzu:
– EXPRESS DASTAKETAK
– SUKALDARITZA-TAILERRAK
– INFORMAZIO TURISTIKOA eta BASQUE GUNEAK

EZAGUTU GEHIAGO

EZ ITZAZU FESTA HAUEK GALDU

Gure lokalizazio-mapari esker, ez duzu arazorik izango bilatzen ari zaren ekitaldia aurkitzeko.